Mobile Banking - Personal, Business, International & Mobile Banking by MAB

REGISTRATION:

မြန်မာ့ရှေ့ဆောင်ဘဏ်၏ မိုဘိုင်းဘဏ်စာရင်းကို စာရင်းဖွင့်လိုလျှင် မည်သည့်နေရာများတွင် ဖွင်နိုင်ပါသနည်း။

MAB Mobile App ကို Play Store တွင် download ရယူ၍ မိမိကိုယ်တိုင်စာရင်းဖွင့်နိုင်သကဲ့သို့ ဘဏ်မှအသိအမှတ်ပြုထားသည့် ဘဏ်ကိုယ်စားလှယ်များ (သို့) မြန်မာ့ရှေ့ဆောင်ဘဏ် ဘဏ်ခွဲများတွင်လည်း စာရင်း ဖွင့်နိုင်ပါသည်။

ယခင် MAB Mobile ဘဏ်စာရင်းရှိပြီးသား Customer များအနေဖြင့် ယခု App အသစ်ကို ဘယ်လိုအသုံးပြုလို့ရမလဲ။ စာရင်းအသစ်ထပ်ဖွင့်ဖို့ လိုအပ်ပါသလား။

စာရင်းအသစ်ထပ်ဖွင့်ရန် မလိုအပ်ပါ။ အကယ်၍ သင်သည် MAB Mobile ဘဏ်စာရင်းရှိပြီးဖြစ်ပါက ဘဏ်မှ သင့်အတွက် Username နှင့် Password ကို sms မှတဆင့် ပေးပို့မည်ဖြစ်ပါသည်။ ထို့နောက် MAB Mobile App အသစ်ကို ဒေါင်းလုပ်ဆွဲ၍ “Register New” ကိုနှိပ်ပြီး “I am an existing wallet user” ကို ရွေးချယ်ကာ ၄င်း User Name နှင့် Password ကို ရိုက်ထည့်၍ မိမိ၏ မိုဘိုင်းဘဏ်စာရင်းကို ပြန်လည် အသုံးပြုနိုင်မည်ဖြစ်ပါသည်။

ကျွန်ုပ်မှာရှိတဲ့ MAB ATM Card (Debit Card) နံပါတ်ကိုအသုံးပြုပြီး မြန်မာ့ရှေ့ဆောင်ဘဏ် မိုဘိုင်းဘဏ် စာရင်းအား ဖွင့်လို့ရနိုင်ပါသလား။

MAB ATM Card (Debit Card) နံပါတ်ကိုအသုံးပြုပြီး မြန်မာ့ရှေ့ဆောင်ဘဏ် မိုဘိုင်းဘဏ်စာရင်းအား ဖွင့်နိုင်ပါသည်။ MAB Mobile App ထဲမှ “Register New” ကိုနှိပ်ပြီး Using Debit Card ကိုရွေးချယ်ကာ လိုအပ်သည့် Card Information များကို ဖြည့်၍ စာရင်းဖွင့်မှတ်ပုံတင်နိုင်ပါသည်။ သို့သော် ATM Card ဖွင့်လှစ်ခဲ့စဉ်က ဘဏ်တွင် ဖြည့်စွက်ခဲ့သော ဖုန်းနံပါတ်နှင့်သာ စာရင်းဖွင့်လှစ်နိုင်မှာဖြစ်ပါသည်။

ကျွန်ုပ်တွင် မြန်မာ့ရှေ့ဆောင်ဘဏ်၏ ငွေစုဘဏ်စာရင်း/စာရင်းရှင်စာရင်းများမရှိပါ။ ကျွန်ုပ်အနေဖြင့် မိုဘိုင်းဘဏ် စာရင်းကို အသုံးပြု၍ ရပါသလား။

သင့်တွင် မြန်မာ့ရှေ့ဆောင်ဘဏ်၏ ငွေစုဘဏ်စာရင်း/စာရင်းရှင်စာရင်းများမရှိသော်လည်း မိုဘိုင်းဘဏ်စာရင်းကို ဖွင့်လှစ်အသုံးပြုနိုင်ပါသည်။ လူကြီးမင်း၏ဖုန်းတွင် MAB Mobile App ကို ဒေါင်းလုပ်ဆွဲ၍ “Register New” ကိုနှိပ်ပြီး “I want to create new wallet account.” ကို ရွေးချယ်ကာ လိုအပ်သော Information များကို ဖြည့်စွက်ပြီး ဓာတ်ပုံများရိုက်၍ မိုဘိုင်းဘဏ်စာရင်းအသစ် ဖွင့်လှစ်အသုံးပြုနိုင်ပါသည်။

MAB Mobile App ကို သုံးတဲ့အခါ အင်တာနက်လိုပါသလား။

MAB Mobile App ကို အသုံးပြုရန်အတွက် အင်တာနက်ကော်နက်ရှင်လိုအပ်ပါသည်။

မြန်မာ့ရှေ့ဆောင်ဘဏ်၏ မိုဘိုင်းဘဏ်စာရင်းကို ဖွင့်ဖို့အတွက် ဘာတွေလိုပါသလဲ။

ယခင် MAB Mobile ဘဏ်စာရင်းရှိပြီးသား Customer များအနေနှင့် ယခု App အသစ်ကို အသုံးပြုမည်

ဆိုပါက ယခင်စာရင်းဖွင့်စဉ်က အသုံးပြုထားသော ဖုန်းနှင့် ဘဏ်မှ သင့်အတွက် SMS မှတဆင့် ပေးပို့

ထားသော Username နှင့် Password လိုအပ်ပါသည်။ ထို့နောက် လိုအပ်သော အချက်အလက်များ ဖြည့်စွက်

ပြီးပါက လူကြီးမင်း၏ စာရင်းတွင် ကျန်ရှိသော လက်ကျန်ငွေဖြင့် လူကြီးမင်း၏ စာရင်းအား ဆက်လက်

အသုံးပြုနိုင်မည်ဖြစ်ပါသည်။

လူကြီးမင်းထံတွင်ရှိသော MAB ATM Card (Debit Card) ကို အသုံးပြုပြီး MAB Mobile ဘဏ်စာရင်း ဖွင့်လှစ် မည်ဆိုပါက ၄င်း MAB ATM Card (Debit Card) နှင့် လူကြီးမင်းကတ်စာရင်းဖွင့်စဉ်က စာရင်းဖွင့်ဖောင်တွင် ဖြည့်သွင်းထားသော မိုဘိုင်းဖုန်းတို့ လိုအပ်ပါသည်။
မြန်မာ့ရှေ့ဆောင်ဘဏ်၏ မည်သည့်ဘဏ်စာရင်းမှ မရှိသူသည် MAB Mobile App ကို ဒေါင်းလုပ်ဆွဲယူကာ လိုအပ်သော အချက်အလက်များ ဖြည့်သွင်းပြီး၊ မှတ်ပုံတင် (သို့) ယာဉ်မောင်းလိုင်စင် (နိုင်ငံခြားသားများ အနေဖြင့် နိုင်ငံကူးလက်မှတ်) နှင့် လိုအပ်သည်များကို ဓာတ်ပုံရိုက်စာရင်းသွင်းပြီး စာရင်းဖွင့်လှစ်နိုင်ပါသည်။

AGENTS:

မြန်မာ့ရှေ့ဆောင်ဘဏ်၏ မိုဘိုင်းဘဏ်လုပ်ငန်း ဝန်ဆောင်မှုပေးသည့် ကိုယ်စားလှယ်များ၏ တည်နေရာကို ဘယ်လိုသိရမလဲ။

လူကြီးမင်းနှင့် အနီးဆုံး ကိုယ်စားလှယ်စာရင်းကို လူကြီးမင်းအသုံးပြုသည့် MAB Mobile Bank Application တွင်လည်းကောင်း၊ မြန်မာ့ရှေ့ဆောင်ဘဏ် Website – https://www.mabbank.com/mobile-banking-page/ တွင်လည်းကောင်း ဝင်ရောက်ကြည့်ရှုနိုင်သကဲ့သို့ မြန်မာ့ရှေ့ဆောင်ဘဏ် Call Center (01 8610612) သို့လည်း ခေါ်ဆိုပြီး မေးမြန်းနိုင်ပါသည်။

MAB ကိုယ်စားလှယ်များ အနေဖြင့် ဖုန်းငွေဖြည့်ပေးခြင်း၊ အခွန်အခပေးဆောင်ပေးခြင်း၊ အရောင်းကိုယ်စားလှယ် များထံ ငွေပေးချေခြင်းများအတွက် ကူညီလုပ်ဆောင်ပေးနိုင်ပါသလား။

MAB ကိုယ်စားလှယ်များ အနေဖြင့် ဖုန်းငွေဖြည့်ပေးခြင်း၊ အခွန်အခပေးဆောင်ပေးခြင်း၊ အရောင်းကိုယ်စားလှယ် များထံ ငွေပေးချေခြင်းများအတွက် ကူညီလုပ်ဆောင်ပေးနိုင်ပါသည်။

OTHER SERVICES:

မြန်မာ့ရှေ့ဆောင်ဘဏ် မိုဘိုင်းဘဏ်လုပ်ငန်း ဝန်ဆောင်မှုကို ဆိုင်တိုင်းမှာရှိသည့် ပစ္စည်းများဝယ်ရန်အတွက် အသုံးပြုနိုင်ပါသလား။

လူကြီးမင်းအနေဖြင့် မြန်မာ့ရှေ့ဆောင်ဘဏ် မိုဘိုင်းဘဏ်လုပ်ငန်း မှတ်ပုံတင်ထားသော တရားဝင် Merchant Code ရရှိထားသည့် ဆိုင်များတွင်သာ MAB Mobile Banking Services မှတဆင့် ပစ္စည်းများကို ဝယ်ယူနိုင်ပါသည်။

ကျွန်ုပ်၏ မိုဘိုင်းဘဏ်စာရင်းဖြင့် ကျွန်ုပ်မှာရှိသည့် အခြား စာရင်းရှင်စာရင်း၊ ငွေစုဘဏ်စာရင်းများဖြင့် ချိတ်ဆက်ပြီး ဆောင်ရွက်နိုင်ပါသလား။

ချိတ်ဆက်နိုင်ပါသည်။ လူကြီးမင်း၏ မြန်မာ့ရှေ့ဆောင်ဘဏ် မိုဘိုင်းဘဏ်စာရင်းနှင့် မြန်မာ့ရှေ့ဆောင်ဘဏ်တွင် စာရင်းဖွင့်ထားသော လူကြီးမင်း၏ စာရင်းရှင်စာရင်း၊ ငွေစုဘဏ်စာရင်းများအား မြန်မာ့ရှေ့ဆောင်ဘဏ်၏ ဘဏ်ခွဲများတွင် သွားရောက် ချိတ်ဆက်နိုင်ပါသည်။ ဤသို့သော ဆောင်ရွက်ချက်များကို မြန်မာ့ရှေ့ဆောင်ဘဏ်၏ ဘဏ်ခွဲများတွင်သာ ပြုလုပ်နိုင်ပါသည်။ သို့သော် မြန်မာ့ရှေ့ဆောင်ဘဏ် မဟုတ်သည့် အခြားဘဏ်များတွင်ရှိသည့် ဘဏ်စာရင်းများနှင့် ချိတ်ဆက်အသုံးမပြုနိုင်ပါ။

မြန်မာ့ရှေ့ဆောင်ဘဏ် မိုဘိုင်းစာရင်းကို စာရင်းရှင်စာရင်း၊ငွေစုဘဏ်စာရင်းများနှင့် ချိတ်ဆက်သည့် အခါတွင် မည်သည့်အကျိုးကျေးဇူး ရရှိနိုင်ပါသလဲ။

မြန်မာ့ရှေ့ဆောင်ဘဏ်မိုဘိုင်းစာရင်းကို စာရင်းရှင်စာရင်း၊ငွေစုဘဏ်စာရင်းများနှင့် ချိတ်ဆက် အသုံးပြုခြင်း အားဖြင့် မိမိစာရင်းအချင်းချင်း ငွေလွှဲ ပြောင်းခြင်း၊ အခြားသူ၏ စာရင်းသို့ ငွေလွှဲခြင်း ဘဏ်စာရင်းရှင်းတမ်း ကြည့်ရှုခြင်း နှင့် စာရင်းရှိ လက်ကျန်ငွေကြည့်ရှုခြင်း တို့ကို ဘဏ်သို့သွားစရာမလိုဘဲ အချိန်မရွေး လွယ်ကူစွာ အသုံးပြုနိုင်ပါသည်။

TRANSFER SERVICES:

မိမိစာရင်းရှိ ငွေသားအားလုံးကို တစ်ခါတည်းထုတ်နိုင်ပါသလား။

Customer မှငွေထုတ်ယူသောအခါ၌ ကိုယ်စားလှယ်များထံတွင်ကန့်သတ်ချက်ရှိသော်လည်း ၊ MAB branch တွင် အကန့်အသတ်မရှိ ထုတ်ယူနိုင်ပါသည်။

ကျွန်ုပ်၏ မိုဘိုင်းဖုန်းကို အသုံးပြု၍ ကျွန်ုပ်၏ စာရင်းရှင်စာရင်း ၊ ငွေစုဘဏ်စာရင်း မှ အခြားသူ၏ စာရင်းရှင်စာရင်း ၊ ငွေစုဘဏ်စာရင်းထဲသို့ ငွေလွှဲပြောင်းပေးနိုင်ပါသလား။

လူကြီးမင်း၏ မိုဘိုင်းဘဏ်စာရင်းနှင့် စာရင်းရှင်စာရင်း ၊ ငွေစုဘဏ်စာရင်း များကို (Link) ချိတ်ဆက်ထားလျှင် အခြားသူ၏MAB ဘဏ်စာရင်းများထံသို့ လွှဲပြောင်းပေးနိုင်ပါသည်။

ကျွန်ုပ်သည် သတ်မှတ်ထားသည့် ငွေပမာဏထက် ကျော်လွန်ပြီး ငွေလွှဲပေးပို့နိုင်ပါသလား။

မရနိုင်ပါ။ မြန်မာနိုင်ငံဗဟိုဘဏ်၏ စည်းမျဉ်းစည်းကမ်းများအရ သတ်မှတ်ထာသည့် ငွေပမာဏထက် ကျော်လွန်ပြီး ငွေလွှဲ၍ မရနိုင်ပါ။

ကျွန်ုပ်သည် မြန်မာ့ရှေ့ဆောင်ဘဏ် မိုဘိုင်းဘဏ်စာရင်း မရှိသည့်သူဆီသို့ ငွေလွှဲပေးပို့နိုင်ပါသလား။

လွှဲပို့နိုင်ပါသည်။ လူကြီးမင်း၏ မိုဘိုင်းဘဏ်လုပ်ငန်း Application တွင်ပါဝင်သည့် Sent to Non A/C Holder Function မှတဆင့် ငွေလွှဲနိုင်ပါသည်။ စာရင်းမရှိသူမှ နီးစပ်ရာ မြန်မာ့ရှေ့ဆောင်ဘဏ်၏ ကိုယ်စားလှယ် (သို့) ဘဏ်ခွဲသို့ သွားရောက်ပြီး ငွေလွှဲထုတ်ယူနိုင်ပါသည်။

ညသန်းခေါင်တွင် ငွေထုတ်ချင်သော်လည်း ကိုယ်စားလှယ်များ အားလုံး ပိတ်သွားကြလျှင် မည်သို့ပြုလုပ်ရ မည်နည်း။

မြန်မာ့ရှေ့ဆောင်ဘဏ်၏ ATM စက်များတွင် ATM ကတ်မပါဘဲ ငွေထုတ်ခြင်း၀န်ဆောင်မှုကို အသုံးပြု၍ (၂၄)နာရီလုံး ငွေထုတ်ယုနိုင်ပါသည်။

လွှဲပြောင်းခြင်းပြုလုပ်ထားသော လက်ခံရရှိသည့်စာများနှင့် ပေးပို့လိုက်သည့် စာများအားကြည့်လိုလျှင် မည်သို့ပြုလုပ်ရမည်နည်း။

မြန်မာ့ရှေ့ဆောင်ဘဏ်၏ MAB Mobile App ထဲသို့ ဝင်ရောက်ပြီး Transaction History ထဲတွင် မိမိ ျပဳလုပ္ထားေသာ Transaction ၏နောက်ဆုံး အကြောင်းရေ (၃၀) ကို ပြန်လည်ကြည့်ရှုနိုင်ပါသည်။

အကယ်၍ MAB Mobile မှတဆင့် ငွေလွှဲပြောင်းပေးချေခြင်း ပြုလုပ်မရဖြစ်နေပါက မည်သို့လုပ်ဆောင် ရပါမည်နည်း။

တစ်ခါတစ်ရံ အင်တာနက်လိုင်းဆွဲအား မကောင်းလျှင် ဖြစ်တတ်ပါသည်။ လူကြီးမင်း၏ internet connection ရ၊မရ ပြန်စစ်ကြည့်ပြီး ထပ်မံကြိုးစားနိုင်ပါသည်။

လက်ခံမည့်သူမှ ငွေသားထုတ်ယူမှု မပြုလုပ်လျှင် မည်သို့ ဖြစ်နိုင်သနည်း။

ငွေလက်ခံရရှိသူ (မိုဘိုင်းဘဏ်စာရင်းမရှိသူ)မှ (၃)ရက် အတွင်းငွေမထုတ်မိပါက ငွေပို့သူ ၏ စာရင်းထဲသို့ ငွေပြန်လည်ရောက်ရှိမည်ဖြစ်ပါသည်။ သို့သော် ATM မှငွေထုတ်မည်ဆိုပါက (၁) ရက်အတွင်းထုတ်ရပါမည်။ ထိုအခြေအနေများတွင် ငွေပို့ သူထံသို့ ငွေပြန်လည်ရောက်ရှိကြောင်း အကြောင်းကြားစာ လက်ခံရရှိမည်ဖြစ်ပါသည်။

ကျွန်ုပ် မကြာသေးမီက မှားယွင်းစွာ ပြုလုပ်လိုက်သော ငွေလွှဲခြင်း / စာရင်းပြောင်းခြင်းတို့အား ပယ်ဖျက်၍ ရနိုင်ပါသလား။

မရနိုင်ပါ။ လူကြီးမင်းမှား၍ ငွေလွှဲလိုက်သော / စာရင်းပြောင်းပေးလိုက်သောသူများနှင့်သာ ဆက်သွယ်ဆောင်ရွက် ရမည် ဖြစ်ပါသည်။

အကယ်၍ ကျွန်ုပ်သည် မြန်မာ့ရှေ့ဆောင်ဘဏ် မိုဘိုင်းဘဏ်စာရင်း မရှိလျှင် ငွေလွှဲ ၊ ငွေထုတ်ပြုလုပ်နိုင်ပါသလား။

လူကြီးမင်းတွင် မိုဘိုင်းဘဏ်စာရင်းမရှိသော်လည်း ငွေလွှဲ၊ ငွေထုတ်ဝန်ဆောင်မှုများကို နီးစပ်ရာ မြန်မာ့ ရှေ့ဆောင်ဘဏ် ကိုယ်စားလှယ်များ (သို့) ဘဏ်ခွဲများသို့ သွားရောက်၍ ဆောင်ရွက်နိုင်ပါသည်။

QR Pay:

MAB QR Pay ဆိုသည်မှာ အဘယ်နည်း။

MAB QR Pay ဆိုသည်မှာ မိမိ၏ မိုဘိုင်းဘဏ်စာရင်း application မှတဆင့် MAB Merchant QR Code အား scan ဖတ်၍ ရိုးရှင်းလွယ်ကူ အဆင်ပြေစွာ ငွေပေးချေနိုင်သော ဝန်ဆောင်မှု ဖြစ်ပါသည်။

MAB QR Pay အား အသုံးပြု၍ မည်ကဲ့သို့ ငွေပေးချေနိုင်ပါသနည်း။

Pre Login Page တွင်ရှိသော Function ထဲမှ QR Pay အား ရွေးချယ်ပြီး Merchant QR Code အား scan ဖတ်၍ ကျသင့်သောငွေပမာဏအား ရိုက်ထည့်ကာ မိမိ၏ MAB Mobile wallet မှတဆင့် MAB Merchant ဆိုင်များသို့ ငွေပေးချေနိုင်ပါသည်။

MAB Merchant ဆိုင်အား မည်ကဲ့သို့ သိနိုင်ပါသနည်း။

MAB Merchant ဆိုင်စာရင်းကို မိမိ၏ မိုဘိုင်းဘဏ် Application တွင် ရှာဖွေနိုင်မည်ဖြစ်ပြီး official website ဖြစ်သော www.mabbank.com တွင်လည်း ဝင်ရောက်ကြည့်ရှုနိုင်မည် ဖြစ်ပါသည်။

။ ငွေသားအစား MAB QR Pay အား အဘယ်ကြောင့် အသုံးပြုသင့်သနည်း။

ငွေသား ကိုင်ဆောင်ရန် မလိုခြင်း၊ ငွေပေးချေရာတွင်လည်း ငွေသား ရေတွက်ရန် မလိုအပ်ခြင်း၊ ပိုက်ဆံ ကျပျောက်နိုင်ခြင်း စသည့် အခက်ခဲများ မရှိနိုင်သည့် အပြင် မိမိတို့၏ ငွေများ စိတ်ချလုံခြုံရသော ဘဏ်ထဲတွင် ရှိသောကြောင့် အသုံးပြုသင့်ပါသည်။ငွေပေးချေရာတွင်လည်း ကျသင့်သော ငွေပမာဏ အား အတိအကျ ပေးချေနိုင်သော ကြောင့် ပြန်အမ်းငွေများအတွက် စိတ်ပူရန်မလိုခြင်းတို့ကြောင့် အသုံးပြုသင့်ပါသည်။

Transaction အောင်မြင်ကြောင်း မည်ကဲ့သို့ သိနိုင်ပါသနည်း။

Transaction ဆောင်ရွက်ပြီးပါက pop up screen ဖြင့် message ပေါ်လာမည်ဖြစ်ပါသည်။ ထို့အပြင် မိမိ၏ Transaction History တွင်လည်း စစ်ဆေးကြည့်ရှုနိုင်ပါသည်။

QR Pay ၀န်ဆောင်မှုအတွက် transaction fees ရှိပါသလား။

မရှိပါ။

QR Pay ဖြင့် ပေးချေရန်အတွက်အနည်းဆုံးနှင့် အများဆုံး ပေးချေနိုင်သော ပမာဏ သတ်မှတ် ထားပါသလား။

ပမာဏ သတ်မှတ်ထားခြင်းမရှိသောကြောင့် ကျသင့်သော ငွေပမာဏအတိုင်း အတိအကျကို လွယ်ကူလျင်မြန်စွာ ပေးချေနိုင်ပါသည်။

FEES:

ြန်မာ့ရှေ့ဆောင်ဘဏ်၏ မိုဘိုင်းဘဏ်စာရင်းဖွင့် လိုလျှင် စာရင်းဖွင့်မှတ်ပုံတင်ခ ဘယ်လောက်လိုပါသလဲ။

ၿမန်မာ့ရှေ့ဆောင်ဘဏ်၏ မိုဘိုင်းဘဏ်စာရင်းဖွင့်လိုလျှင် မည်သည့်အခကြေးငွေမှ ပေးဆောင်ရန်မလိုအပ်ပါ။

Transaction လုပ်တိုင်း ၀န်ဆောင်ခ ပေးရမှာပါလား။

Transaction တစ်ခု ပြုလုပ်တိုင်း ၀န်ဆောင်ခ ရှိပါသည်။ ဝန်ဆောင်ခ ကို Customer ၏ငွေစာရင်းမှ နုတ်ယူသွားမည်ဖြစ်ပါသည်။

ငွေလွှဲ လက်ခံမည့်သူမှ ငွေလွဲခ ပေးဆောင်ရမှာပါလား။

ငွေလွှဲ လက်ခံမည့်သူမှ Agent (သို့) MAB ဘဏ်ခွဲ၌ ငွေထုတ်ချိန်တွင် အခကြေးငွေပေးရန် မလိုအပ်ပါ။ ငွေလွှဲခကို ငွေလွှဲပေးပို့သည့် ငွေလွှဲပမာဏအတွင်းမှသာ နုတ်ယူသွားမည်ဖြစ်ပါသည်။

Security:

ကျွန်ုပ်၏ PIN Number ကို ဘယ်လိုပြောင်းနိုင်ပါသလဲ။

MAB Mobile > ထိန်းချုပ်ချိန်ညှိရန်(Settings) > PIN နံပါတ်ပြောင်းလဲရန်(Change PIN)ကို ဝင်၍ အဆင့်ဆင့် ဆောင်ရွက်ကာ ပြောင်းနိုင်ပါသည်။

မြန်မာ့ရှေ့ဆောင်ဘဏ်၏ မိုဘိုင်းဘဏ်လုပ်ငန်း ဝန်ဆောင်မှုမှာ စိတ်ချရပါသလား။

မိုဘိုင်းဘဏ်လုပ်ငန်းဝန်ဆောင်မှုကိုအသုံးပြုရန် MAB Mobile App ထဲသို့ဝင်သည့်အခါ မိမိ၏ ကိုယ်ပိုင်လျှို့ဝှက်နံပါတ် (User PIN) လိုအပ်သည့်အပြင် ငွေကြေးလုပ်ဆောင်ချက်များ ဆောင်ရွက်ရာတွင်လည်း ဘဏ်မှပေးပို့သော တစ်ခါသုံးလျှို့ဝှက်နံပါတ်(OTP) ကိုအသုံးပြု၍ ဆောင်ရွက်မှသာ အောင်မြင်မည်ဖြစ်သောကြောင့် မြန်မာ့ရှေ့ဆောင်ဘဏ် မိုဘိုင်းဘဏ်လုပ်ငန်းသည် လုံခြုံစိတ်ချမှုရှိပါသည်။သုံးစွဲသူများ အနေဖြင့်လည်း မိမိ၏ကိုယ်ပိုင် လျှို့ဝှက်နံပါတ် (User PIN) များကို လုံခြုံစိတ်ချစွာ ထိန်းသိမ်းစောင့်ရှောက်ရန် လိုအပ်ပါသည်။

ဖုန်းပျောက်သွားပါက မိုဘိုင်းစာရင်းအတွင်းရှိ ပိုက်ဆံ ဆုံးရှုံးသွားမည်လား။

စာရင်းရှိငွေများသည် မိုဘိုင်းဘဏ်စာရင်းတွင် သိမ်းဆည်းထားသည့်အပြင် မိုဘိုင်းဘဏ်စာရင်းရှိသော Mobile Applicationသို့ ကိုယ်ပိုင်လျှို့ဝှက်နံပါတ်ဖြင့်သာ ဝင်ရောက်ခွင့်ရရှိမည်ဖြစ်သောကြောင့် ဖုန်းပျောက်သည့်တိုင် စာရင်းရှိငွေများ မဆုံးရှုံးနိုင်ပါ။ပိုမိုလုံခြုံစိတ်ချမှုရှိစေရန်အတွက် လူကြီးမင်း၏ ဖုန်းပျောက်သွားကြောင်း သိရှိပါက MAB Call Center သို့ အမြန်ဆက်သွယ်၍ ဘဏ်စာရင်းကို ယာယီ ပိတ်ထားရန် တောင်းဆိုနိုင်ပါသည်။

ကျွန်ုပ်၏ မြန်မာ့ရှေ့ဆောင်ဘဏ်မိုဘိုင်းစာရင်းရှိသည့် မိုဘိုင်းဖုန်းပျောက်သွားပါက မည်သို့ပြုလုပ်ရပါမလဲ။

လူကြီးမင်း၏ မိုဘိုင်းဘဏ်စာရင်း အသုံးပြုသည့်ဖုန်းပျောက်ဆုံးသွားပါက လူကြီးမင်း၏ စာရင်းကို ခေတ္တအသုံးပြုမှုရပ်ဆိုင်းထားနိုင်ရန်အတွက် MAB Call center သို့ ဆက်သွယ်အကြောင်းကြားရပါမည်။ မြန်မာ့ရှေ့ဆောင်ဘဏ်မိုဘိုင်းဘဏ်စာရင်းကို ဖုန်းမှတဆင့် ဝင်ရောက်အသုံးပြုနိုင်ရန်အတွက် စာရင်းပိုင်ရှင်ကိုယ်တိုင် ပြုလုပ်ထားသည့် လျှို့ဝှက်နံပါတ် သိရှိရန်လိုပါသည်။ အဆိုပါ လျှို့ဝှက်နံပါတ်ကို အခြားသူများအလွယ်တကူ ရယူနိုင်ရန် ဖုန်းအတွင်း မှတ်သားထားခြင်း မပြုလုပ်ရန်နှင့် မည်သူ့ကိုမှ အသိပေးခြင်းမပြုလုပ်ရန် အကြံပေးအပ်ပါသည်။

ကျွန်ုပ်၏ ဘဏ်စာရင်းအချက်အလက်များကို လုံခြုံစိတ်ချမှုရှိအောင် ဘယ်မှာသိမ်းထားပါသလဲ။

လူကြီးမင်း၏ ဘဏ်စာရင်းအချက်အလက်များကို မြန်မာ့ရှေ့ဆောင်ဘဏ်၏ လုံခြုံစိတ်ချရသည့် ဗဟိုထိန်းချုပ်ကွန်ပျူတာစနစ်အတွင်းတွင် သိမ်းဆည်ထားသည့်အတွက်ကြောင့် စိတ်ချရပါသည်။

အကယ်၍ Customer ရဲ့ PIN နံပါတ်ကို မေ့သွားလျှင် ဘယ်လိုလုပ်ရပါမလဲ။

လူကြီးမင်း၏ PIN နံပါတ်ကိုမေ့သွားပါက “Forget Password”ကိုနှိပ်ပြီး လိုအပ်သည့်အချက်အလက်များကို ဖြည့်၍ SMS OTP တောင်းခံကာ PIN နံပါတ်အသစ် ပြန်လည်ပြုလုပ်နိုင်ပါသည်။ PIN နံပါတ်ကို မှားယွင်းစွာ (၅) ကြိမ် ရိုက်မိပါက လူကြီးမင်း၏ A/C Lock ကျသွားမည်ဖြစ်ပါသည်။ အကယ်၍ Lock ကျသွားပါက MAB Call Center သို့ ဖုန်းဆက်ပြီး ပြန်လည်တောင်းခံနိုင်ပါသည်။

အကယ်၍ ကျွန်ုပ်၏ PIN နံပါတ်ကို မှားရိုက်မိလျှင် ဘယ်လိုဖြစ်မှာပါလဲ ။

PIN နံပါတ်ကို မှားယွင်းစွာ (၅)ကြိမ် ရိုက်မိပါက လူကြီးမင်း၏ A/c lock ကျသွားမည်ဖြစ်ပါသည်။

အကယ်၍ ကျွန်ုပ်၏ မြန်မာ့ရှေ့ဆောင်ဘဏ်မိုဘိုင်းဘဏ်စာရင်း Lock ကျသွားတဲ့အခါ ဘယ်လိုလုပ်ရမလဲ ။

မြန်မာ့ရှေ့ဆောင်ဘဏ် မိုဘိုင်းဘဏ်စာရင်း Lock ကျသွားလျှင် ကျွန်ုပ်တို့၏ Call Center သို့ ဆက်သွယ်ပြီး ဆက်လက်ဆောင်ရွက်နိုင်ပါသည်။

အကယ်၍ ကျွန်ုပ်၏ SIM Card နဲ့ မိုဘိုင်းဖုန်းတို့ ပုံမှန်အတိုင်း အလုပ်မလုပ်တော့လျှင် ကျွန်ုပ်၏ ဖုန်းထဲမှာရှိသည့် ငွေကြေး (E-Money) ဆုံးရှုံးသွားနိုင်ပါလား။

မဆုံးရှုံးနိုင်ပါ။ လူကြီးမင်း၏ မိုဘိုင်းစာရင်းသည် မြန်မာ့ရှေ့ဆောင်ဘဏ်၏ လျှို့ဝှက်ပြီး လုံခြုံစိတ်ချရသည့် ကွန်ပျူတာစနစ်ထဲတွင် သိမ်းဆည်းထားသောကြောင့် လူကြီးမင်း၏ SIM Card နှင့် မိုဘိုင်းဖုန်းတို့ ပုံမှန်အတိုင်း အလုပ်မလုပ်သည့်တိုင်အောင် လူကြီးမင်း၏ ငွေကြေးများ (E-Money) မဆုံးရှုံးနိုင်ပါ။

ကျွန်ုပ်၏ မိုဘိုင်းဖုန်းနံပါတ်ကို ပြောင်းသုံးလျှင်ရပါသလား။ ဖုန်းနံပါတ်ပြောင်းချင်လျှင် ဘယ်လိုလုပ်ရမည်လဲ ။

ဘဏ်မှ လူကြီးမင်း၏ မိုဘိုင်းနံပါတ်ကို စာရင်းသွင်းပြီး မိုဘိုင်းစာရင်းနှင့် ချိတ်ဆက်ဖွင့်လှစ်ထားခြင်း ဖြစ်သည့်အတွက် လူကြီးမင်း၏ မိုဘိုင်းဖုန်းနံပါတ်အသစ်ကို မိမိကိုယ်တိုင် ပြောင်းသုံး၍ မရနိုင်ပါ။ မိုဘိုင်းနံပါတ်အသစ်ပြောင်းလဲ အသုံးပြုလိုပါက နီးစပ်ရာ ဘဏ်ခွဲသို့ သွားရောက်၍ ဆောင်ရွက်ပေးရမည်ဖြစ်ပါသည်။ ဘဏ်မှ လူကြီးမင်း၏ ဖုန်းနံပါတ် အသစ်ကို စာရင်းပြန်လည်သွင်းပြီး မိုဘိုင်းဘဏ်စာရင်းနှင့် ချိတ်ဆက်ပြီးမှသာ အသုံးပြုနိုင်မည်ဖြစ်သည်။

ကျွန်ုပ်၏ မိုဘိုင်းဘဏ်စာရင်း အသုံးပြုပြီးပါက မည်သို့ပြုလုပ်သင့်ပါသလဲ ။

လူကြီးမင်း၏ မိုဘိုင်းဘဏ်စာရင်းကို အသုံးပြုပြီးပါက Menu Bar မှတဆင့် Sign Out ကိုနှိပ်ကာ ပိတ်သင့် ပါသည်။

Function:

မြန်မာ့ရှေ့ဆောင်ဘဏ်၏ မိုဘိုင်းဘဏ်လုပ်ငန်းဝန်ဆောင်မှုကို အသုံးပြုရန် ဘယ်လိုဖုန်းအမျိုးအစားများ လိုအပ်ပါသလဲ။

မြန်မာ့ရှေ့ဆောင်ဘဏ်၏ မိုဘိုင်းဘဏ်လုပ်ငန်းဝန်ဆောင်မှုကို Android Version (4.0) အထက္ နှင့် IOS Version (8.0) အထက္ ရှိသည့် မည်သည့် Smart Phone မဆို အသုံးပြုနိုင်ပါသည်။

MAB မိုဘိုင်းဘဏ်အက်ပလီကေးရှင်းကို မည်သို့ရယူနိုင်ပါသလဲ။

MAB မိုဘိုင်းဘဏ်အက်ပလီကေးရှင်းကို iPhone များအတွက် App Store မှလည်းကောင်း ၊ Android ဖုန်းများအတွက် Gogle Play Store မှလည်းကောင်း ဒေါင်းလုပ်ရယူနိုင်ပါသည်။ iPhone များအတွက် App ဒေါင်းလုပ်ဆွဲရန် ဤနေရာကိုနှိပ်ပါ။ >—–(download link) Android များအတွက် App ဒေါင်းလုပ်ဆွဲရန် ဤနေရာကို နှိပ်ပါ။ >—–(download link)

မြန်မာ့ရှေ့ဆောင်ဘဏ်၏ မိုဘိုင်းဘဏ်လုပ်ငန်းဝန်ဆောင်မှုကို နေရာမရွေး ၊ အချိန်မရွေး သုံးနိုင်ပါသလား။

လူကြီးမင်း၏ ဖုန်းတွင် Internet Connection ရှိပြီး မည်သည့် နေရာတွင်မဆို ၂၄ နာရီ (၇) ရက်ပတ်လုံး အသုံးပြုနိုင်ပါသည်။

မြန်မာ့ရှေ့ဆောင်ဘဏ်မိုဘိုင်းဘဏ်လုပ်ငန်း Application ၏ New Version ကို Update လုပ်ဖို့ လိုအပ်ပါသလား။

New Version ပြောင်းသည့်အခါ Update App Version ကို Google Play Store / App Store သို့ ဝင်ရောက်၍ download ပြုလုပ်ဖို့ လိုအပ်ပါသည်။

မြန်မာ့ရှေ့ဆောင်ဘဏ်၏ မိုဘိုင်းဘဏ်လုပ်ငန်း ဝန်ဆောင်မှုကို ပြည်ပမှာ အသုံးပြုနိုင်ပါသလား။

ဟုတ်ကဲ့။ လူကြီးမင်း၏ ဖုန်းသည် Internet Connection ရှိပြီး OTP မလိုသော Transaction များ (ငွေ ကျပ်တစ်သိန်း အောက်ပမာဏ) ကို ပြည်ပတွင် ပြုလုပ်နိုင်ပါသည်။

OTP (One Time Password) ဆိုသည်မှာ အဘယ်နည်း ။ ဘယ်အချိန်မှာ လိုအပ်ပါသလဲ။

OTP (One Time Password) ဆိုသည်မှာ တစ်ခါသုံး လျှို့ဝှက်နံပါတ်ဖြစ်ပါသည်။ လူကြီးမင်းပြုလုပ်လိုက်သော Transaction ပြီးမြောက်အောင်မြင်ရန်အတွက် ဘဏ်မှ လူကြီးမင်း၏ စာရင်းဖွင့်မှတ်ပုံတင်ထားသော ဖုန်းသို့ SMS ဖြင့်ပေးပို့သော OTP ကို လက်ခံရရှိပြီး အသုံးပြုရန် လိုအပ်ပါသည်။

အချို့သော Transaction များ ပြုလုပ်ရာတွင် OTP ဘာကြောင့် မရပါသလဲ။

လူကြီးမင်းပြုလုပ်လိုက်သော Transaction ပမာဏမှာ ကျပ်တစ်သိန်းနှင့် အထက်ဖြစ်ပါက ဘဏ်မှ လူကြီးမင်း၏ စာရင်းဖွင့်မှတ်ပုံတင်ထားသော ဖုန်းသို့ OTP ပေးပို့မည်ဖြစ်ပြီး ကျပ်တစ်သိန်းအောက် Transaction များကိုတော့ OTP မလိုဘဲ အသုံးပြုနိုင်မှာ ဖြစ်ပါသည်။

MAB Mobile Banking Service ကို မည်သည့် ဘာသာစကားများဖြင့် အသုံးပြုနိုင်ပါသလဲ ။

အင်္ဂလိပ် ၊ မြန်မာ ၊ တရုတ် စသည့် ဘာသာစကားသုံးမျိုးဖြင့် အသုံးပြုနိုင်ပါသည်။

faq