၁။ Better Salary Loan ဆိုတာ ဘာလဲ။
Better Salary Loan ဆိုတာ MAB နဲ့ Payroll ချိတ်ဆက်ထားတဲ့ ကုမ္ပဏီများမှ ဝန်ထမ်းများအတွက် ထုတ်လုပ်ပေးထားတဲ့ ချေးငွေ အမျိုးအစားတစ်ခု ဖြစ်ပါတယ်။ ထိုကုမ္ပဏီများမှ ဝန်ထမ်းများအနေနဲ့ အများဆုံး လစာရဲ့ (၂) ဆ အထိ ချေးငွေရယူနိုင်ပြီး ချေးငွေသက်တမ်း (၂) လမှ (၆) လအထိ ချေးငွေလျှောက်ထားရယူနိုင်မှာ ဖြစ်ပါတယ်။
၂။ Better Salary Loan ကို ဘယ်လို လျှောက်ထားနိုင်မလဲ။
ချေးငွေလျှောက်ထားလိုသူအနေဖြင့် QR Code အား Scan ဖတ်၍ဖြစ်စေ၊ Link မှတစ်ဆင့် ဝင်ရောက်၍ဖြစ်စေ လျှောက်ထားနိုင်သလို MAB Website မှတစ်ဆင့် ဝင်ရောက်၍ဖြစ်စေ Better Salary Loan Online Application Form (ချေးငွေလျှောက်လွှာ) တွင် ဖြည့်စွက်ပြီး ရောက်ထားနိုင်ပါတယ်။
၃။ ဘယ်လိုအချက်အလက်တွေနဲ့ ပြည့်စုံမှ Better Salary Loan လျှောက်ထားဖို့ အကျုံးဝင်ပါသလဲ။
MAB Payroll Service နဲ့ လစဉ်လစာရရှိတဲ့ ဝန်ထမ်းများသာအကျုံးဝင်ပါတယ်။ ဒါ့အပြင် Better Salary Loan လျှောက်ထားဖို့ အောက်ပါအချက်များနဲ့ ကိုက်ညီမှုရှိရပါမယ်။
၄။ Better Salary Loan လျှောက်ထားဖို့ ဘယ်လို စာရွက်စာတမ်းတွေ လိုအပ်ပါသလဲ။
၅။ Better Salary Loan လျှောက်ထားပါက ချေးငွေမည်မျှရရှိနိုင်ပါသလဲ။
လျှောက်ထားသူရဲ့ လက်ရှိလစာရဲ့ အများဆုံး (၂) ဆ အထိ ချေးငွေပမာဏ ရရှိနိုင်ပါတယ်။ (အများဆုံး ကျပ်သိန်း (၅၀) အထိသာ)
၆။ Better Salary Loan အတွက် ချေးငွေသက်တမ်းအားဖြင့် ဘယ်လောက်ကြာကြာ ရယူနိုင်ပါသလဲ။
ချေးငွေသက်တမ်း ၂ လ၊ ၃ လ၊ ၄ လ၊ ၅ လ၊ ၆လ စသည်ဖြင့် ကြိုက်နှစ်သက်ရာရွေးချယ်နိုင်ပါတယ်။
၇။ Better Salary Loan လျှောက်ထားတဲ့အခါ မည်သည့်ဝန်ဆောင်ခများပေးဆောင်ရန် လိုအပ်ပါသလဲ။
(လျှောက်လွှာကို အတည်ပြုခြင်းခံရသည်ဖြစ်စေ၊ ငြင်းပယ်ခြင်းခံရသည်ဖြစ်စေ လျှောက်လွှာကြေး ပေးဆောင် ရပါမယ်။)
၈။ Better Salary Loan ရယူပြီးပါက ပြန်လည်ပေးဆပ်ရမဲ့ ပမာဏအား ဘယ်လို သတ်မှတ်ထားပါသလဲ။
Better Salary Loan ရယူပြီးပါက ချေးငွေပမာဏနဲ့ အတိုးနှုန်း ပေါင်း၍ EMI (တိုးရင်းပေါင်း အရစ်ကျ) တွက်နည်းဖြင့် တွက်ချက်ထားတဲ့ ပမာဏအား လျှောက်ထားသူရဲ့ ချေးငွေသက်တမ်းအတိုင်း လစဥ်အရစ်ကျ ပေးဆပ်ရပါမယ်။
၉။ Better Salary Loan ရယူပြီးပါက ဘယ်အချိန်မှာ ပထမအရစ် စတင်ပေးဆပ်ရမလဲ။
ပထမအကြိမ်စတင်ပေးဆပ်ရမဲ့ ရက်စွဲမှာ ချေးငွေရယူတဲ့ ရက်အပေါ်မှာ မူတည်ပါတယ်။ လျှောက်ထားသူက ချေးငွေကို လဆန်း (၁) ရက်မှ (၁၅) ရက်အတွင်း ရရှိခဲ့ပါက လကုန်ရက်တွင် ပထမအကြိမ်အဖြစ် စတင်ပေးဆပ်ရမှာဖြစ်ပြီး (၁၆) ရက် မှ (၃၀)ရက်၊ (၃၁) ရက် အတွင်း ရရှိခဲ့ပါက နောက်လ လကုန်ရက်မှာ ပထမအကြိမ်အဖြစ် စတင်ပေးဆပ်ရမှာ ဖြစ်ပါတယ်။ ပေးဆပ်ရမဲ့ ပမာဏကို ချေးငွေလျှောက်လွှာမှာ ဖြည့်သွင်းထားတဲ့ လစာအကောင့်ထဲကနေ အလိုအလျောက် နုတ်ယူသွားမှာ ဖြစ်ပါတယ်။
၁၀။ Better Salary Loan ရရှိပြီးပါက လစာရရှိမည့်ရက်မတိုင်မီ ပြန်လည်ပေးဆပ်လိုပါက ပေးဆပ်၍ရပါ သလား။ Early Repayment Fee ပေးဖို့ လိုအပ်ပါသလား။
MAB ဘဏ်ခွဲများ မှတစ်ဆင့် စောလျင်စွာ ပြန်လည်ပေးဆပ်နိုင်ပြီး Early Repayment Fee ပေးဆောင်ရန် မလိုအပ်ပါ။
၁၁။ Better Salary Loan ရရှိပြီး အနီးဆုံး လစာစာရင်းထဲသို့ ငွေမဝင်ရောက် လာပါက ဘယ်လိုဆောင်ရွက်မလဲ။
ပြန်လည်ပေးဆပ်ရမည့်ရက်တွင် ချေးငွေလျှောက်လွှာတွင်ဖြည့်သွင်းထားတဲ့ လစာစာရင်းထဲသို့ ငွေဝင်ရောက်လာခြင်း မရှိပါက သတ်မှတ်ထားတဲ့ အတိုးနှုန်း ၁၄.၅% (တစ်နှစ်လျှင်) အပြင် ပျက်ကွက်ကြေးအဖြစ် ပျက်ကွက်တဲ့ ပမာဏ (အတိုး+အရင်း) ရဲ့ ၁.၅% (တစ်နှစ်လျှင်) အား ပျက်ကွက်သည့် ရက်အလိုက် ကောက်ခံမှာ ဖြစ်ပါတယ်။
၁၂။ Better Salary Loan လျှောက်ထားပြီး ချေးငွေခွင့်ပြုချက်ကျဖို့ အချိန်ဘယ်လောက်ကြာပါသလဲ။
Better Salary Loan လျှောက်ထားပြီးပါက အလုပ်ချိန် (၂-၃) ရက်အတွင်း ချေးငွေ အတည်ပြုပေးမည် ဖြစ်ပါတယ်။
၁၃။ Better Salary Loan လျှောက်ထားရာတွင် အာမခံပေးမဲ့သူ လိုအပ်ပါသလား။
အာမခံပေးမဲ့သူ (၁) ဦး လိုအပ်ပါတယ်။
၁၄။ Better Salary loan ချေးငွေပမာဏ ရရှိပြီးနောက် ချေးငွေပမာဏ နဲ့ ချေးငွေသက်တမ်းကို တိုးမြှင့်နိုင်ပါသလား။
Better Salary loan ချေးငွေပမာဏ ရရှိပြီးနောက် ချေးငွေပမာဏနဲ့ ချေးငွေသက်တမ်းကို တိုးမြှင့်၍မရနိုင်ပါ။
၁၅။ Better Salary Loan ချေးငွေလျှောက်လွှာ တင်သွင်းချက် လက်ခံရရှိပြီးပါက ဘယ်လို ဆက်လက်ဆောင်ရွက်ပါသလဲ။
ဘဏ်ဘက်က ချေးငွေလျှောက်လွှာကို စစ်ဆေးပြီးတာနဲ့ လျှောက်ထားသူရဲ့ ဖုန်းနံပါတ်ကို ချေးငွေအား ခွင့်ပြု (သို့မဟုတ်) ငြင်းပယ်ခံရတဲ့ SMS ပေးပို့ပါမယ်။ ချေးငွေခွင့်ပြုမှု SMS ရရှိပါက လျှောက်ထားသူက လျှောက်လွှာမှာ မိမိရွေးချယ်ခဲ့တဲ့ ဘဏ်ခွဲကို သွားရောက်ပြီး ချေးငွေရယူဖို့ လိုအပ်ပါတယ်။
၁၆။ Better Salary Loan လျှောက်ထားသူအနေနဲ့ ချေးငွေလက်ကျန်နဲ့ ပြန်ဆပ်ရမဲ့ အချိန်ဇယားကို ဘယ်လို သိရှိနိုင်မလဲ။
Better Salary Loan လျှောက်ထားသူများအနေနဲ့ ချေးငွေလက်ကျန်နဲ့ ပြန်ဆပ်ရမဲ့ အချိန်ဇယားကို MAB ibanking တွင် စစ်ဆေးနိုင်ပါတယ်။
၁၇။ Better Salary Loan ကို တစ်ကြိမ်လျှောက်ထားပြီးပါက နောက်တကြိမ်ထပ်မံ လျှောက်ထားနိုင် ပါသလား။
Better Salary Loan ကို တစ်ကြိမ်လျှောက်ထားရယူပြီး ချေးငွေအား အပြည့်အဝပြန်လည် ပေးဆပ်ပြီး မှသာ နောက်တစ်ကြိမ် ထပ်မံ လျှောက်ထားနိုင်မှာ ဖြစ်ပါတယ်။
၁၈။ Better Salary Loan Product နဲ့ ပတ်သက်ပြီး သိရှိလိုတာတွေ မေးမြန်းဖို့ ဘယ်လို ဆက်သွယ်ရမလဲ။
MAB Call Center (+95) 18610612 ကို တိုက်ရိုက်ဆက်သွယ်နိုင်ပါတယ်။
ဝန်ထမ်းတွေအတွက် ရည်ရွယ်ထားတဲ့ MAB Better Salary Loan အစီအစဉ်မှာ MAB နဲ့ လစာရရှိနေတဲ့ အနယ်နယ် အရပ်ရပ်က ဝန်ထမ်းများအားလုံး လက်ရှိလစာရဲ့ (၂) ဆ ပမာဏအထိ ချေးငွေ ရယူနိုင်ပါပြီ။
ကာလတိုချေးငွေဖြစ်တဲ့အတွက် ချေးငွေသက်တမ်း (၆) လအထိ ရရှိနိုင်မှာ ဖြစ်ပါတယ်။
Disclaimer: This calculation is only for illustration purposes, based on certain assumed prerequisites.